Barnwyd ansawdd yr addysgu yn y gwersi a arsylwyd fel a ganlyn:

• Mae perthynas glos iawn rhwng athrawon a disgyblion yn seiliedig ar barch ynghyd â disgyblu pendant a phositif. Gwneir defnydd effeithiol o ganmoliaeth ac anogaeth er mwyn cael y gorau allan o'r disgyblion. Cyfranna hyn at greu ethos positif sy'n hyrwyddo dysgu ac addysgu effeithiol.

• Yn y dosbarthiadau, mae'r athrawon yn frwd ac yn defnyddio amrywiaeth o strategaethau addysgu ac adnoddau pwrpasol. Ceir cyfraniad da i ansawdd yr addysgu gan y cymorthyddion dosbarth.

• Ymdrinnir â phob disgybl yn gyfartal a hyrwyddir cydraddoldeb yn gyson yn y gwersi gan sicrhau herio delweddau a safbwyntiau ystrydebol yn llwyddiannus.

• Mae gweithdrefnau asesu'r ysgol yn glir ac effeithiol ac maent yn cwrdd â'r gofynion statudol. Maent yn fodd i'r ysgol adnabod cryfderau a gwendidau disgyblion unigol ac amlygu meysydd i'w datblygu.

• Caiff gwaith disgyblion ei farcio'n rheolaidd a chyson. Caiff cyflawniadau ym mhob pwnc eu hadrodd yn rheolaidd i'r rhieni ac mae ansawdd yr adroddiadau ysgrifenedig yn dda.

• Mae'r ysgol yn cynnig cwricwlwm eang a chytbwys sydd wedi'i gynllunio'n ofalus ac yn cwrdd â gofynion statudol. Mae'r cwricwlwm yn hygyrch i bawb ac yn dangos cydlyned mewn cynllunio a datblygiad o ran oedrannau a chyfnodau allweddol.

• Mae'r ddarpariaeth addysgol ar gyfer plant dan bump oed yn briodol i'w hanghenion ac mae'r plant yn gwneud cynnydd da tuag at ganlyniadau'r Cyfnod Sylfaen.

• Datblygir medrau allweddol disgyblion yn gyson ac effeithiol ar draws yr holl feysydd dysgu a nodir cyfleodd clir i'w hyrwyddo yng nghynllunio dyddiol athrawon ac o fewn cynlluniau gwaith. Darperir ystod dda o gyfleoedd allgyrsiol er mwyn ymestyn a chyfoethogi'r cwricwlwm.

• Hyrwyddir datblygiad ysbrydol y disgyblion yn effeithiol.

• Mae'r ysgol yn darparu cyfleoedd niferus i hyrwyddo datblygiad moesol, cymdeithasol a diwylliannol y disgyblion. Gwneir hyn yn effeithiol drwy feithrin gwerthoedd cadarn a rhoi pwyslais ar ddangos parch, gonestrwydd a chwrteisi at eraill. Mae'r athrawon a holl staff yr ysgol yn fodelau rôl da a chaiff ymwelwyr â'r ysgol eu trin â pharch a chwrteisi. Mae darpariaeth yr ysgol ar gyfer datblygiad diwylliannol disgyblion yn dda.

• Caiff y ddarpariaeth dda ar gyfer datblygu addysg bersonol a chymdeithasol (ABCh) disgyblion ei chynnwys yn ofalus yn y cwricwlwm.

• Manteisia'r ysgol yn dda ar ei chysylltiadau â phartneriaethau i ymestyn profiadau'r disgyblion. Ceir partneriaeth agos rhwng yr ysgol a rhieni. Nodwedd dda o'r ddarpariaeth yw cyswllt agos yr ysgol gyda'i chymuned sy'n ehangu a chyfoethogi profiadau disgyblion yn fawr.

• Mae'r ddarpariaeth ar gyfer hybu ymwybyddiaeth disgyblion o ddiwylliant Cymru yn dda. Rhoddir lle amlwg i'r dimensiwn Cymreig mewn nifer o bynciau gan gynnwys celf, hanes, addysg grefyddol a daearyddiaeth ac mewn gweithgareddau allgyrsiol.

• Gweithredir polisi cyfle cyfartal clir sy'n adlewyrchu ymroddiad yr ysgol i sicrhau cynhwysiant i bawb ym mhob agwedd o fywyd yr ysgol.

• Mae'r ysgol yn hyrwyddo ymwybyddiaeth disgyblion o'r angen i ymddwyn yn gynaliadwy ac am faterion cadwraeth yn dda.

• Mae'r profiadau a ddarperir ar draws y cwricwlwm yn galluogi'r disgyblion i ennill ystod o fedrau gwerthfawr ar gyfer dysgu gydol oes ac i ddatblygu eu hymwybyddiaeth o'u cyfrifoldeb tuag at ddyfodol eu cymuned.

• Mae'r ysgol yn gymuned hapus a gofalgar sy'n gwerthfawrogi a pharchu ei disgyblion.

• Mae'r rhieni'n darparu cefnogaeth werthfawr i'r ysgol. Mae cysylltiadau ag asiantaethau lles yr un mor effeithiol a sefydlwyd perthynas agos â'r rhain i gefnogi disgyblion ag anawsterau personol neu anghenion arbennig. Mae'r ysgol yn ymateb ar fyrder i'r cyngor a chyfarwyddyd a dderbynnir er lles disgyblion.

• Mae gan yr ysgol drefniadau effeithiol ar gyfer monitro prydlondeb, presenoldeb, ymddygiad a pherfformiad disgyblion.

• Cynllunnir y ddarpariaeth ar gyfer ABCh yn ofalus a chaiff ddylanwad positif ar les a diogelwch disgyblion.

• Mae'r drefniadaeth ar gyfer disgyblion ag ADY yn dda ac yn bodloni gofynion y Cod Ymarfer. Adnabyddir anawsterau disgyblion yn gynnar a dadansoddir anghenion dysgu unigol yn fanwl a thrylwyr a chofnodir eu cynnydd yn rheolaidd a chyson.

• Mae'r disgyblion ag AAA yn derbyn cefnogaeth dda iawn gan yr athrawon a chymorthyddion. Cânt fynediad llawn a chyfleoedd i fanteisio ar holl agweddau'r cwricwlwm a chânt eu neilltuo ar gyfer cefnogaeth arbenigol naill ai'n unigol neu mewn grwpiau bach i atgyfnerthu sgiliau llythrennedd.

• Mae gan yr ysgol ddisgwyliadau uchel o safbwynt ymddygiad ac mae'r disgyblion yn ymateb yn bositif iawn i'r disgwyliadau hynny.

• Mae gan yr ysgol bolisïau clir ar gyfer hyrwyddo cyfle cyfartal, cydraddoldeb hiliol ac amryfaliaeth. Rhoddir sylw i oddefgarwch, cydberthnasau a pharch at eraill o fewn gwasanaethau cyd-addoli ac o fewn bywyd cyffredinol yr ysgol. Rhoddir cyfleoedd cyfartal i fechgyn a

• Mae'r plant o dan bump a'r disgyblion yn y ddau gyfnod allweddol o leiaf yn llwyddo i gyflawni'r targedau a osodir ar eu cyfer ac yn profi llwyddiant yn eu gwaith, beth bynnag yw eu gallu a'u cefndir cymdeithasol neu ieithyddol.

• Mae disgyblion ag ADY ym mhob un o'r cyfnodau allweddol yn gwneud cynnydd da yn eu medrau dysgu sylfaenol a phersonol.

• Yng nghyfnodau allweddol 1 a 2 mae safonau a chynnydd disgyblion ym medrau allweddol cyfathrebu Cymraeg yn dda yn eu siarad a gwrando, ac yn foddhaol yn eu darllen ac ysgrifennu ym mhob pwnc a arsylwyd arnynt. Mae safonau'r disgyblion yn Saesneg yng nghyfnod allweddol 2 yn dda ym mhob agwedd o gyfathrebu.

• Yn y ddau gyfnod allweddol, gwna'r disgyblion gynnydd da yn eu medrau mewn mathemateg, TGCh, a'u medrau creadigol, ac yn dda iawn yn eu medrau datrys problemau. Mae safonau cymhwysedd dwyieithog y disgyblion yn dda drwy'r ysgol.

• Gwna disgyblion o bob oed gynnydd da yn eu dysgu wrth iddynt yn gynyddol gaffael gwybodaeth a medrau newydd. Mae mwyafrif y disgyblion yn medru gwerthuso eu gwaith eu hunain, ac yn gyffredinol, maent yn gweithio'n effeithiol mewn parau a grwpiau er mwyn helpu ei gilydd i wella.

• Mae ymddygiad y disgyblion ym mhob agwedd o fywyd ysgol yn dda. Maent yn gwrtais ac yn ystyriol tuag at eu cyfoedion, y staff ac ymwelwyr ac mae hyn yn helpu i greu amgylchedd croesawgar.

• Medda'r disgyblion ar agweddau cadarnhaol tuag at eu gwaith ac maent yn frwdfrydig ac yn awyddus i foddhau eu hathrawon. Defnyddiant eu hamser yn effeithlon yn y gwersi, gan ddyfalbarhau wrth eu tasgau. Maent bob amser yn barod ar gyfer y cam nesaf yn eu haddysg.

• Gwna'r disgyblion gynnydd da yn eu medrau ysbrydol, moesol, cymdeithasol a phersonol.

• Mae prydlondeb ar ddechrau'r diwrnod ysgol ac i ddosbarthiadau unigol yn dda.

• Mae'r disgyblion yn dangos parch tuag at amrywiaeth o gredoau, agweddau a thraddodiadau diwylliannol a chymdeithasol eraill. Mae ganddynt ddealltwriaeth dda o gyfleoedd cyfartal a thegwch.

• cwestiynu celfydd sy'n ymestyn gwybodaeth a dealltwriaeth disgyblion;
• cynllunio tasgau heriol i ymestyn disgyblion, sy'n ennyn cyffro ac yn symbylu diddordeb a brwdfrydedd;
• meithrin annibyniaeth disgyblion drwy roi pwyslais ar ddatrys problemau a gwaith ymchwiliol; a
• cyflymder byrlymus i'r gweithgareddau a'r addysgu'n fywiog.

Lle mae'r addysgu yn dda ceir:

• rhannu meini prawf llwyddiant gyda'r disgyblion ar ddechrau gwers;
• dilyniant a pharhad o'r gwersi blaenorol; a
• defnydd effeithiol o gyfarpar, adnoddau gweledol ynghyd â'r defnydd o'r bwrdd gwyn rhyngweithiol.

Mae perthynas glos iawn rhwng athrawon a disgyblion yn seiliedig ar barch ynghyd â disgyblu pendant a phositif. Gwneir defnydd effeithiol o ganmoliaeth ac anogaeth er mwyn cael y gorau allan o'r disgyblion. Cyfranna hyn at greu ethos positif sy'n hyrwyddo dysgu ac addysgu effeithiol.

Mae ansawdd addysgu plant dan bump yn gyson dda, gyda chynllunio ystod eang o weithgareddau sy'n cymell annibyniaeth ac yn ysgogi a chynnal diddordeb y plant yn effeithiol.

Ceir cyfraniad da i ansawdd yr addysgu gan y cymhorthau dosbarth. Mae cyd-ddealltwriaeth a chydweithio trefnus rhyngddynt ag athrawon er mwyn sicrhau'r gorau ar gyfer disgyblion.

Ymdrinnir â phob disgybl yn gyfartal a hyrwyddir cydraddoldeb yn gyson yn y gwersi gan sicrhau herio delweddau a safbwyntiau ystrydebol yn llwyddiannus.

Defnyddia'r athrawon ystod o strategaethau pwrpasol i ymestyn medrau dwyieithog disgyblion. Gweithredir y rhain yn effeithiol ar draws yr ysgol a chyda hwyr ddyfodiaid yng nghyfnod allweddol 2.

Mae ansawdd asesu plant y Cyfnod Sylfaen yn dda.

• Mae'r ysgol yn gymuned hapus a gofalgar sy'n gwerthfawrogi a pharchu ei disgyblion. Mae'r pennaeth, yr athrawon a'r staff ategol yn adnabod y disgyblion yn dda iawn, yn ymwybodol o'u hanghenion ac yn darparu lefel dda o gefnogaeth, gofal ac arweiniad personol ar eu cyfer. Mae'r cyd-berthnasedd sy'n bodoli o fewn cymuned yr ysgol yn cyfrannu'n sylweddol tuag at ddatblygiad personol a chymdeithasol dysgwyr.

• Ceir rhaglen fuddiol ar gyfer croesawu plant i'r dosbarth derbyn sy'n sicrhau eu bod yn ymgartrefu'n gyflym i fywyd a gwaith yr ysgol.

• Mae gweithdrefnau iechyd, diogelwch a lles pob disgybl yn eglur o fewn yr ysgol.

• Mae'r drefniadaeth ar gyfer disgyblion ag ADY yn dda ac yn bodloni gofynion y Cod Ymarfer.

• Mae'r disgyblion ag AAA yn derbyn cefnogaeth dda iawn gan yr athrawon a chymorthyddion. Cânt fynediad llawn a chyfleoedd i fanteisio ar holl agweddau'r cwricwlwm a chânt eu neilltuo ar gyfer cefnogaeth arbenigol naill ai'n unigol neu mewn grwpiau bach i atgyfnerthu sgiliau llythrennedd.

Arweinyddiaeth a rheolaeth

• Mae ansawdd yr adroddiad hunan arfarnu a gyflwynwyd i'r tîm arolygu yn gyffredinol dda.

• Cyflawna aelodau'r corff llywodraethol eu cyfrifoldebau strategol yn gydwybodol.

• Mae gan yr holl staff gymwysterau addas i gyflawni'r cyfrifoldebau a amlygir yn eu disgrifiadau swydd.

• Cydweithia'r athrawon a'u cynorthwywyr yn effeithiol iawn fel tîm ac maent yn rhannu gwybodaeth ac yn cefnogi ei gilydd mewn ffordd ymroddedig iawn.

• Sicrha'r rheolwyr ddefnydd effeithiol o'r cyllid. Mae'r corff llywodraethol yn monitro'r gwariant yn effeithiol a chaiff y gwariant ei adolygu'n rheolaidd er mwyn sicrhau gwerth gorau am arian. Caiff penderfyniadau gwariant eu cysylltu'n ofalus gyda chynlluniau ar gyfer datblygiad. Gwariwyd canran sylweddol o warged y llynedd yn ddiweddar er mwyn datblygu llecyn gwyrdd.

• Gweithreda'r ysgol yn effeithiol o ddydd i ddydd. Mae'r ysgol yn darparu gwerth da am arian.